नैना लड़ी दुनो दिलवा के हो जाई मुलाक़ात
प्यार के ईहे त ,ह पहिला शुरुआत
प्रीत के अगिया जब-जब दहकी
तब-तब मनवा अपने से बहकी
प्यार के गीत दिल तब गुनगुनाई
दिल के मौसम फेर बहुते सोहाई
केहु ना जाने सबका सोझा अँखिया करे लागी बात
प्यार के ईहे त ,ह पहिला शुरुआत
मन में पहिले त आस भर जाई
फेर तनी सा विस्वास भर जाई
देंहिया सिहरी ना आई ऊँघाई
प्रीतम के देखि दिल फूले ना समाई
चुपे चोरी फेर मिले ख़ातिर खोजी अन्हरिया रात
प्यार के ईहे त ,ह पहिला शुरुआत
सब एगो मधुर सपन होई जाई
भावना भी सुमन होई जाई
प्यार ना देखी तब गोर बाउर चिकन
मन मंदिर में जे बसे उ निमन
ई ह आज़ाद पंक्षी मुकेश " एकर ना कवनो जात
प्यार के ईहे त ,ह पहिला शुरुआत
कोई टिप्पणी नहीं:
एक टिप्पणी भेजें