सोना जईसन मोर जवनिया सिलवट पर के पीसी
जनि सीसी पिय , फँसरी लगा लेहम खिसी
दारू के तू जीजा बनवला ,चीखना के सार
शीशा के गिलसवा भईल मेहरी तोहार
बरसेल ना झर -झर कहियो रह जाल बनके झिसी
जनि सीसी पिय , फँसरी लगा लेहम खिसी
रात में रोजो हम हहरी चढ़े जब नाशा
खेले में पासा संघे करेल तमाशा
लेवेल ना कोरा कबले टिकोरा अपने हाथे मिसी
जनि सीसी पिय , फँसरी लगा लेहम खिसी
पाण्डेय मुकेश " तनी रहिया आपन तू सुधार ल
देंह मोटाई गाल गोटाई संगहीं किरिया पार ल
ना त कवनो मर्द के संघे पिसे लागेम तीसी
जनि सीसी पिय , फँसरी लगा लेहम खिसी
कोई टिप्पणी नहीं:
एक टिप्पणी भेजें