मुक्तक : एनियो जवानी बा ओनियो जवानी
भला कईसे दुनो मिले बिना मानी
इहे बात हमरो पर लागू भईल
आ अइसने बनल कुछ हमरो कहानी
जेकरा घर में किराया पर रहत रहीं
ओ घर वाली गुजरिया से प्यार हो गईल
दिल के बात दिल से कहाये लागल
हमरा जिए के बढ़िया जोगाड़ हो गईल
ओहिजा लिहनी कोठरिया हम ओकरे बदे
एक बेर देख लिहीं त किराया सधे
पहिले अँखियन से अँखियन में बतिया भईल
फिर धीरे धीरे उ हमार हो गईल
हम नीचे रहीं उ त ऊपर रहे
ओने गंगा बहे एने जमुना बहे
एक दिन दुनो नदियाँ के संगम भईल
फिर त जिनगी हमार गुलज़ार हो गईल
प्यार के गंध पुरुआ के साथे बहल
ओकरा माई आ बाबू के पाता चलल
पहिले परिवार ओकर कईलस बवाल
पाछे अपने से उ त इयार हो गईल
लागे हमरा त सरग भेंटा गईल बा
कवनो सिकिया शरीरिया मोटा गईल बा
रहे कुछुवो बनावत चिखावत रहे
प्यार में ई बेसुर लयदार हो गईल
कोई टिप्पणी नहीं:
एक टिप्पणी भेजें