अमवा के डलिया पर बोलले कोइलिया आईल होलिया राजा जी
कहिया ले के अईब बताव तू डोलिया आईल होलिया राजा जी
कवना गली में राजा बाड़ तू भुलाईल
टूट जाता हूंक नाही आंटता चोलिया आईल होलिया राजा जी
नईहर के होली हमरा लगता फिंका
फगुनी बयार बहे जईसे चले गोलिया आईल होलिया राजा जी
पाण्डेय मुकेश " हमार बुझ मज़बूरी
फोनवो पर एको बेरा पूछ लेतs हलिया आईल होलिया राजा जी
कोई टिप्पणी नहीं:
एक टिप्पणी भेजें