ए गोरिया चल ना ,चल नदिया के पार - डॉ मुकेश पाण्डेय

खेत खरिहान में -सगरो सीवान में फ़हरेला अंचरा तोहार 

ए गोरिया चल ना ,चल नदिया के पार 

नदी के पार गोरी हमरो पलानी 

हवे पिरितिया के उहे निशानी 

घर बनइनि हम आन्ही से पूछ के 

बहेला हवा हमरा खिड़की से पूछ के 

चाँद के चंदनिया -शीतला के निंदिया नदिया करेले जुन्हार 

ए गोरिया चल ना ,चल नदिया के पार 

गलिया प तोहरो सुरुज के ललाई 

हमरो पलनिया अंजोर होई जाई 

फूल के छुईह तू तितली से पूछ के 

आवे अन्हार उँहा बिजली से पूछ के 

सुखला जवरवा में हहरत आषाढ़ में बन रसबुनिया के धार 

ए गोरिया चल ना ,चल नदिया के पार 

अंग अंग तहरो भरल सुघराई 

ऐना में तहरो ना रुपवा समाई 

उठिह भोरे अंगड़ाई से पूछ के 

देखिह शीशा परछाई से पूछ के 

अँखिया फ़रक जाई दर्पण दरक जाई 

जब होई सोरहो सिंगार 

ए गोरिया चल ना ,चल नदिया के पार 

रोंवा रोंवा डहका देहब - डॉ मुकेश पाण्डेय

हमरा के छोड़ी जदी बहरा तू जईब रोंवा रोंवा डहका  देहब 

बाटे लड़कपन करके छिनरपन आपन काम चला लेहब 

जब दिल के दिल जान लिही ,सबका के आपन मान लिही 

बुरबक लेखा ना राजा जी ,देहिया अकील से काम लिही 

इंद्रधनुषी ये तन के पहेली दोसरा से सुलझा लेहब 

पड़े ना तनिको फ़रक पिया ,तहरा उपस्थित रहला से 

जोबन में घर अब बांबे करी तहरा चहला ना चहला से 

तज के लाज लाँघ संकोच सब मर्यादा गिरा देहब 

मछरी काई साँप घोंघा उहें रही जहाँ झील बा 

सारा पड़ोस में चर्चा बाटे हमरा कहाँ पर तिल बा 

अनगिनत अनलिखल पन्ना पर दोसर ज़िल्द चढ़ा लेहब 

जाड़ा जाला ना ओढ़ला से रजाई - डॉ मुकेश पाण्डेय

आईं आईं आईं सईयां जी जल्दी से घरवा आईं 
कि जाड़ा जाला  ना ओढ़ला से रजाई 

मनवा ना लागे हमार खटिया पर 
जागल रहिले हम रतिया भर 
कवन ई दे तानी हमरा के साजा 
हो जाता सब किरकिरा ई माजा 
केकरा से दिल के कहीं हम बतिया,केकरा  से बतिआईं 
कि जाड़ा जाला  ना ओढ़ला से रजाई 

ई कवनो चाल ना हवे हो प्यार में 
आधा बीतल जाड़ बा इन्तिज़ार में 
भईल बा सब जगे ईहे रे हाला 
गेहूं के संगे संगे घुनों पिसाला 
माटी के तन पर गुमान बाटे काथी के अतने रउरा बताईं 
कि जाड़ा जाला  ना ओढ़ला से रजाई 

पहिले तू कहि देत ना अईब घरे 
हमहुँ त  रह जइतीं राजा नइहरे 
बहरी रहब जे अईब अंदर 
सब प्यार हो जाई राजा छू-मंतर 
अईब ना जदी त मिली ना नदी प्यासे मन रही जाई 
कि जाड़ा जाला  ना ओढ़ला से रजाई 

रफ़्ता -रफ़्ता रूख़ ये हवा का बता देगा- डॉ मुकेश पाण्डेय

रफ़्ता -रफ़्ता रूख़  ये हवा का बता देगा 

मेरे वास्ते इतना है बहुत 

 हमने तुझे चाहा है बहुत 

तोहे मिल जाये इसकी ख़बरिया 

मोहे लागी रे जुल्मी नज़रिया 

मैं गीर - गीर जाऊं सँवरिया 

जबसे लागे ये मेरे नैन -जियरा का चैन भागे 

तबसे ये नैना लागे 

बहके-बहके हैं मेरे चाल -अबसे जो है ये हाल 

जाने क्या होगा आगे 

मेरी आँखों को है धोखा बहुत 

ज़ख्मो का है अंदाज़ा  बहुत 

उफ्फ़ !मैं कैसी पगली बावरिया 

मो पे डालो ना ऐसे नज़रिया 

मैं गीर गीर जाऊं सँवरिया 

देखो आई है ये बहार ,उसपे तेरा ये प्यार 

कैसे जिया मैं सम्हालूँ 

लाखो में है तू एक पर, ऐसे मुझे ना देख 

आँचल में नैना छुपालूं 

मैं अपनी राय को झुठलाऊं 

और क्या से क्या मैं हो जाऊं 

मुझे खुद भी ना होवे ख़बरिया 

हाय !देखे ये सारी नज़रिया 

मैं गीर-गीर जाऊँ सँवरिया 

तेरा मेरा है जो ये मेल -कई सदियों का खेल 

तू काया मैं तेरी छाया 

तू इन बहारों का है फूल -मुझको ना जाना भूल 

आई हूँ  जब भी बुलाया 

दर्द देने में किफ़ायत कर 

रो दूँ अगर तो हिदायत कर 

इक प्यासी हुई मैं बदरिया 

मोहे लागी रे ज़ुल्मी नज़रिया 

मैं गीर-गीर जाऊं सँवरिया 

डॉ मुकेश पाण्डेय के भोजपुरी में बाल कविता

ठीक समय पर सुबह-सवेरे 

आ जानी हम रोज    स्कुल 

हर दिन आपन काम करीले 

कबो   करीं   ना  एइमे  भूल 

सब लईकन से  प्रेम  करीले 

इहे   एगो        मोर   उसूल 

अच्छा बच्चा कहे लोग हमके 

हम हईं सबके  आँख के फूल 

हम  मुकेश'के कविता पढ़ के 

रहेनी सबका  से  मिल -जुल 

जवन चाहतारे तेहूँ कर जो रे - भोजपुरी लोकगीत - डॉ मुकेश पाण्डेय

जवन चाहतारे तेहूँ कर जो रे 

ना त डूबी धँसी कहीं मर जो रे 

रुपिया पईसा मँगबे भउजी केहु दे दी पईंचा 

कवन गुजरी दिही रे भतार तोहके पईंचा 

ई कवन लुफत सिखले रे सतभतरी 

छुईयो के लाज ना हाया बाटे कवनो गतरी 

कुल के इज़्ज़त बुझतारे गजरा मुरई ढईंचा 

कहले त कहले दोसरा से जनि कहिहे 

ना त लात मुक्का दोसरा से तेहीं सहीहे 

खईहे ते मुअड़ी के मार हईंचा -हईंचा 

एही ख़ातिर  भेजले भतार का तें बहरा 

तोहपे 'पाण्डेय मुकेश 'से लगवाईब पहरा 

उहे तोर हरिहर रखिहें बाग़ आ बगइचा 

प्यार करके प्रेमी दग़ा देले बाड़े -डॉ मुकेश पाण्डेय

शेर : दिल में दाग़ लगइलें गइलें छोड़ी के हमार साथ हो 

       जान हथेली पर रख देनी मनलेन नाहीं बात हो 

प्यार करके प्रेमी दग़ा देले बाड़े 

दिल दोसरा से लगा लेले बाड़े 

संघे जिए मरे के खइले रहन किरिया 

आज काहे छोड़लेन फिकिरिया 

ग़लती का कईनी हम सज़ा देले बाड़े 

उनका के मनले रहनी दिलवा के सईयाँ 

पल भर में बनलें कसईया 

हम भईनी बासी ऊ ताजा भईल बाड़े 

सोची-सोची लागे नाहीं भुखिया पिअसिया 

आख़िर सुनाईं केतना बतिया 

मुकेश दिल से अपना हटा देले बाड़े